قصيدة عَن الصديق المتوفي

صور قصيدة عن الصديق المتوفي

السلام عليكم ورحمة الله وبركاته

في يوم الاحد الماضي وانا اتصفح الرسائل في

جوالي تفاجاءت برسالة مفادها انتقال ابن عمي وصديقي ورفيق دربي

الي رحمة الله تعالي فكان هَذا البوح

ياليتني مافتحت العصر جوالي
ولاقريت الرساله وش كتب فيها

يالله يالله يامعبود ياوالي
يامالك الملك ياعالم خوافيها

تفرج لقلب تلقي المخرم الخالي
من هول ماشاف باولها وتاليها

لاوالله الا فقدت الصاحب الغالي
والعين مِن موقها هلت عباريها

ياموت اخذته وقلي وش تبقي لي
غير اني اعيش بالذكري وطاريها

يأكثر يأكثر مايطري علي بالي
لاشفتها بالصحن والعود قافيها

كريم سبلا ومدهل كُل رجالي
المرجله تفتخر بِه وهو راعيها

مذكور بالخير بالاول وبالتالي
رجله نزيهه عَن الزله مواطيها

امحمد اللي لجور الحمل يشتالي
ماحسب حساب بايعها وشاريها

مرحوم يامن تركني عقبه لحالي
ادله النفس مِن عقبه واسليها

اللي ليا ابطيت ماجيته تحرالي
وانا بَعد جيته مِثل متحريها

اليَوم قفي وصار القبر منزالي
في رحمة اللي جنان الخلد يعطيها

الواحد اللي تعلي بالسماءَ العالي
رب السماوات مرسيها ومجريها

وسع لَه القبر خله فِي وظلالي
يارب رحمتك عبدك طامع فيها

ابوك مامات ياحمد عقب عيالي
ارجال مِثلك لَها الميقاف حاسيها

وعبدالله القرم اخوك وسدك العالي
لاكشرن الليالي عَن اشافيها

يالله بنؤ غزير الوبل همالي
علي دياربها قبره ويسقيها

حتي نشوف النبات الوان واشكالي
من حبه احبها واحب طاريها

وختامها عد نجم بان وهلالي
صلوا علي سيد الامه وهاديها

  • شعر عن الصديق المتوفي
  • شعر عن صديق متوفي

7٬086 مشاهدة

التعليقات مغلقة

إلى الأعلى